C21堅誠地產

代理新聞

世紀21兩成佣撬代理

2009年2月12日

樓市逆轉，代理行業汰弱留強，部份細行為吸納一班由大行出嚟嘅同業，使出奇謀招攬人才。好似世紀21奇豐咁，就出動加佣同埋請成績最好嘅組別去遊埠。

據世紀21奇豐董事李峻銘講，自從金融海嘯爆發後，即刻加旗下代理10%佣金，如果做成一單3萬蚊佣金嘅生意，代理就可以分到6000蚊，計計吓都有20%。仲有，由今個月開始，每個月營業額最高嘅一組，公司會請去東南亞或台灣遊埠，前線連後勤都有份，希望係金錢同非金錢上，都有最好嘅條件畀員工。

李峻銘又話，上個月生意麻麻，佣金收入按月減少20%，但最多都係打個和，唔使見紅。不過，2月份初步睇嚟都唔錯。而家佢地分行有13間，夾埋有92人，部署緊3月之後再開多一兩間同請人，但就唔會多過雙位數。